Copy
Ko te Pānui-a Kura - 08 o Haratua 2019
Tēnā tātou,
Ki te hunga kua whetūrangitia, te tini me te mano kua tīraha ki ngā marae maha, haere koutou, moe mai rā.  Hoki mai anō ki a tātou ngā urupā o rātou mā, mauri ora ki a tātou.

Nau mai hoki tātou ki te wāhanga tuarua nei. He mihi nui ki ā tātou whānau hōu. 

Board Of Trustees Elections 2019
Kei te tata haere ki te wā pōti mō ngā poari kaitiaki kura. Pānuitia kei raro nei mo ngā kōrero e pā ana ki taua kaupapa. 
Rarau mai rā ki te wahanga tuarua o te tau nei. He pai hoki ki te kite atu kua hoki ora mai ngā tamariki ki te kura. Ko te tumanako ia kua whakatā, ā, kua whakaora anō te hinengaro kua rite anō ngā tamariki ki te ako.

Kaupapa Ako
Ko te kaupapa matua e kawe nei i ngā akoranga katoa mot e wahanga nei ko te wai. Ko ētahi akomanga e tiro ana ki te taha putaiao o te wai, ko ētahi e tiro ana ki te taha tikanga-ā-iwi. Kua kōtuitui te wai ki roto i ngā akoranga o Te Reo Matatini me te Pāngarau.
 
Pāngarau: Te Wahi, te ahunga me te pānoni, Te Tau me te tauanga, Tuponotanga
 
Tuhituhi: Tuhinga Pūrakau Whakamārama
Aronga Whanonga
Ko ngā aronga whanonga matua mo te wahanga nei ko te AKomanga me te Papatakoro. Me pēhea rā te noho Haumaru, te whakaute me te noho atu ki te Aratika i roto i te Papatakoro me te Akomanga. Ka whakaako ngā kaiako i ēnei āhuatanga i te timatanga o ia rā.
 
 
Te Taenga mai ki te kura
Ko te whainga nui mo te kura kia 95% te taenga mai o ngā tamariki ki te kura ia rā. Kia kaha rā ki te whakatenatena i o tamariki ki te tae wawe mai ki te kura i ngā wā katoa. Ki te kore tō tamaiti e tae mai ki te kura, tēnā whakamōhio atu ki te kura. Nama waea: 07 5785439
 
Hākinakina Go4IT- Raapa
9am- 9:40am – Otumoko
9:40am- 10:20am – Mahiwahine
10:30am- 11:10am – Otuawahia

Kapahaka
Ka timata nga akoranga o te kapahaka hei te wiki e heke mai nei. Ka tū i ngā ahiahi o ia rāhina, 1:35pm-2:45pm.
Kaupapa Matua o Te Wāhanga Nei
Te Whakapapa o Te Wai
 
Te Wehenga o Rangi rāua ko Papa
Hoki atu mātou ki te te pūrakau o Rangi rāua ko Papa kia whai māramatanga o te wai e māringiringi iho. Ka whakawhānui i ngā kupu, i ngā tūmomo rerenga kōrero mā te wetewete i te pūrakau.
Te Aronga Whānonga
Ka aro atu mātou te kāhui pōtiki i tēnei wāhanga ki ngā tūre o te akomanga me ngā tikanga o ngā uara kia mārama pai ai ngā tamariki hōu o te kura nei.

Ka rere kau atu te mihi maioha ki ngā tamariki i uru mai ki te kura i tēnei wāhanga o te tau.
Ko tō mātou maringanui te whiwhi i ngā tamariki kaha ki te aro atu ki te kaupapa Māori.
 
Kaiako O Ngā Akomanga Mō Tenei Wāhanga
 
Tau 0-1 - Whaea Mon
Tau 2    - Whaea Pā
Tau 3    - Whaea Jan
Tau 4    - Matua Te Ao / Whāea Ana
 
Whakatauki o Te Wāhanga
Ko te kai o te rangatira he kōrero, ko te wai o te rangatira he wānanga’
He taonga te reo māori. Ko tōku reo ko tōku ohooho ko tōku reo ko tōku mapihi maurea whakakai marihi.
Ka whiwhi tō tamaiti $1 mō te mahi pai.  I te wā ka whiwhi i te $40 tara, ka taea e ia te hoko tētahi taonga mai te toa (kura shop), tērā pea me waiho te pūtea mō tētahi taonga nui.
Haere i runga i te DOJO, kei reria ngā piro, ngā $ rānei....
He āha te Haumaru mai?
Kia whāi i ngā ture o te akomanga i ngā wā katoa.
He āha te whakaute mai?
Whakatū to ringa
Tohaina nā rauemi
Whakarongo ki ngā kōrero ā o hoa.
He āha te kia tika mai?
Kia rite mai mo te ako
Whakaoti i o mahi
Ko tēnei te akomanga o Horoipia e whakatū ana i te mahi kia tū rangatira ai me pēhea tēnei tirohanga ki rō akomanga hoki. Ia ata mo te 10 meneti ka whakaora mai i ngā mahi katoa o te kia Tū Rangatira.
Kia ora e te whanau o Te Kura o Matapihi, he mihi manahau tēnei ki a koutou katoa. He mihi anō tēnei i runga i te mohio kua tae kē i ngā kaupapa o te wāhanga nei. Kei raro iho nei te whakaritenga mō ngā hākinakina ka timata mai. 

Poitūkohu 
Tau 1 &2 (Little League) Competition starts 13 May
Tau 3 & 4 Grading 5pm 7-28 May - Competition starts 4 June
Tau 5 & 6 Grading 4.30 QEYC 10-24 May - Competition starts 31 May
 
Poitarawhiti
Future Ferns: Tau 3 & 4 (Kei te rapu tonu ki tētehi kaiako)
18 May 2019 @ 10:30 AM approx
Harbourside Netball Centre: Court 2
 
Future Ferns: Tau 5 Coach - Whaea Chrissie
18 May 2019 @ 11:30 AM approx
Harbourside Netball Centre: Court 2
 
Tau 6 Coach - Whaea Rititia
11 May 2019 @ 8:30am, 9.30am, 11.30am, 12.30pm
Harbourside Netball Centre: Court 1 
 
Ngā Mihi rā
Na, Matua Darren
Term 2 - 2019

Friday 24 May - Board Of Trustees Elections | Nominations Close 12pm 
Monday 03 June - Queens Birthday | Kura Closed 
Friday 07 June - Board Of Trustees Elections | Elections Close 12pm

 
Copyright ©  2017  | Te Kura o Matapihi|  | All rights reserved.

Want to change how you receive these emails?
You can update your preferences or unsubscribe from this list
 






This email was sent to <<Email Address>>
why did I get this?    unsubscribe from this list    update subscription preferences
Te Kura o Matapihi · 398 Matapihi Road · RD 5 · TAURANGA, BOP 3175 · New Zealand

Email Marketing Powered by Mailchimp